FORMACIÓN
Formación
A Formación é un dereito constitucional. Un dereito das persoas que non se limita ás etapas de formación obrigatoria, senón que debemos exercer ao longo de toda a vida. Os cambios sociais, económicos, laborais, produtivos e culturais que se producen son cada vez máis acelerados. Por iso o concepto de formación ao longo de toda a vida convértese nun elemento esencial nas sociedades avanzadas. É moi importante aprender novas habilidades nun mundo en transformación. A Formación ao longo da vida debe situarse ao servizo do desenvolvemento persoal. Un desenvolvemento persoal que ten moito que ver cun emprego decente, tal como enténdeo a Organización Internacional do Traballo (OIT), e coa posibilidade de conseguir unha promoción e progresar nunha carreira profesional. A Formación convértese así nun elemento esencial para as empresas e os sectores produtivos.
A empresa desenvolve de forma anual o seu plan de formación, actualmente a participación da parte social é nula ou escasa como vimos informando.
Desde esta Sección Sindical loitaremos pola participación no PAF co fin de que a formación en Tragsatec sexa de maior calidade e chegue a todos os traballadores/as
Lembrámosvos que cada traballador pode solicitar ao seu responsable o curso ou cursos que crea necesarios para que poidan ser incluídos no PAF da empresa, estes deberán axustarse ao seu perfil e posto de traballo.
PAF Tragsatec 2017
É un permiso de ata 200 horas por ano ou curso académico, do que pode dispoñer o persoal asalariado para a súa formación, previa autorización da empresa.
A formación para a que se pode solicitar o PIF debe estar recoñecida mediante unha titulación ou outra acreditación oficial, incluídos os títulos de formación profesional e os certificados de profesionalidade. Tamén está prevista a súa utilización para o acceso aos procesos de recoñecemento das competencias e cualificaciones profesionais.
Guía PIF
A Lei 3/2012, do 6 de xullo, de medidas urxentes para a reforma do mercado laboral, modifica o artigo 4 do Estatuto dos Traballadores, concretando o dereito para recibir formación para a adaptación ás modificacións que afectan o posto de traballo.
As súas características son as seguintes:
- Dereito a 20 horas ao ano para realizar formación relacionada co posto de traballo.
- Posibilidade de acumular o permiso nun período de ata cinco anos.
- O tempo de formación considérase traballo efectivo.
- A formación debe financiala a empresa, directamente ou a través dos créditos destinados á mesma.
No hay comentarios :
Publicar un comentario
Faite participe e escribe o teu comentario.
A publicación dos comentarios están suxetos a moderación.